EnglishNEWS
КЕМБРИЖИЙН ТӨЛӨӨЛӨГЧИД “ВОРЛД ОФ ЛЭНГВИЖ” ХХК-НД ЗОЧИЛЛОО
“Ворлд оф лэнгвиж” компани нь 20 шахам жил Cambridge University Press-ийн бүтээгдэхүүнийг амжилттай борлуулж ирсэн. Түүний зэрэгцээ багш нарт зориулсан заах арга зүйн сургалтыг тогтмол зохион байгуулдаг. 2023 оны 9 сарын 12-нд Кембриж Университет Пресс хэвлэлийн газрын Зүүн Азийг хариуцсан ахлах менежер хатагтай Инь Чан манай компанийн төв офист зочилж, бидний үйл ажиллагаатай танилцан, цаашдын хамтын ажиллаагааг илүү үр өгөөжтэй болгох талаар санал бодлоо хуваалцлаа. Компанийн ажилтнуудтай уулзахдаа тулгамдсан асуудлаар санал солилцож, зөвөлгөө өглөө.
Түүнчлэн оюутан, сурагч болон багш нарын мэдлэг, чадварыг дээшлүүлэх шинэ ном, сурах бичиг, сургалтын хэрэглэгдэхүүн болон онлайн эх сурвалжуудыг бидэнд танилцуулсан бөгөөд цаашид англи хэлний сургалтын хөтөлбөрийг боловсруулахад тусламж, дэмжлэг үзүүлэхээ дурдсан билээ. Түүнээс гадна “Ворлд оф лэнгвиж”-ийн арга зүйчийг сургалтад хамруулж бэлтгэх боломжийн талаар таатай мэдээг бидэнд дуулгалаа.
Манай компанид хүрэлцэн ирж үнэтэй зөвөлгөө өгсөн хатагтай Инь Чан танд баярлалаа, таны ажилд амжилт хүсэе.
